بكل بساطه صر ارهــابــي

بسم الله الرحمن الرحيم
يالله سكنهم مساكنهم
اعوذ بالله من الشيطان الرجيم .. تعوذوا من ابليس يا جماعه
<<=== خايف من حنش يلحطها بالحاير

اكيد كل واحد مننا يتمنى يكون سعيد ومرتاح بحياته.. تبي تكون سعيد ؟؟
الحل بسيط

بكل بساطه صر ارهــابــي

دمر فجر حطم ===> بتكون اسعد الناس وعلى ضمانتي

وش فيكم طايره عيونكم

دمر وحطم ... الفشل اللي حولك
فجر ... ينابيع السعاده
<<== يا ان فيه ناس بتتسطر الليله

المهم انا حاولت بها الموضوع اعطيكم مفاتيح السعاده بشكل مباشر... لان بصراحه اغلبيه الناس تلقاه متضايق وموب مرتاح بحياته لو تجي تساله ليش ؟؟ ماراح تحصل سبب قوي
بس قبل لا تقرى الموضوع لازم انت يكون داخلك استعداد انك تكون انسان سعيد
اما اللي ما عنده استعداد وعاجبته ضيقه الصدر وصاير مخاوي ليول .. الله لا يهينك يقضب الباب

القاعده الاساسيه واعتبر اهم شي بالحياة
الخيره فيما اختاره الله

جمله بسيطه انا اول كنت اقولها اسكت نفسي مو عدم اقتناع بس اقولها بلساني وقلبي ما استوعبهااا
ومو انا بس كثير ناس
بس في يوم من الايام.. وقفت مع هالجمله شوي لين ما استوعبهااا مخي وقلبي ولساني وكلي
يعني فعلا احنا ما نعلم الغيب .. وعسى ان تكرهوا شيئا وهو خير لكم .. المواقف والقصص كثير واكيد كل واحد مننا مر بموقف حتى لو كان موقف بسيط

يعني ممكن انك تصحى متاخر وتتاخرعن الدوام وتبتلش بالزحمه وتعصب وتقلب يومك
بس لو انك رايح بدري كان مسكك المدير وعطاك شغل اضافي لده شهر
هاه وش احسن تتاخر كم دقيقه ولا تكرف شهر كامل

معزومه عزيمه وامك ما رضت لك تروحين.. يا مسكينه امك شديده.. ودك تغيرين امك
يمكن لو امك موب امك ورحتي العزيمه تطيحين بالدرج حق بيتكم وتنكسر رجلك.. عاد لا عزيمه ولا رجل.. هذا اللي ما يقتنع بكلام امه

انتم اهم شي TaKe IT eAsY ترى الدنيا ما تسوى من يحرق اعصابه